Samling 29 - 30 oktober

Foreleser: Kristin Bakke Sæterås

Storebror ser deg:) Der er skulen ikkje noko unntak. Sjå modell UFD 2006 i siste leksjonen. Elevane har alltid blitt vurdert, kan den digitale biten vurderast? Og kva grad skal den vurderast?

Vurdering og fagsamtale: På kva måtar blir dette gjort i dei forskjellige skulane?

Elevsiden: Kva er det aktuelt å ta hensyn til? Modell Imsen (2005) Elevforutsetningane må kome inn. Kva er "å tilpasse"?

Tilpasset opplæring

Elevsiden: Kva er eleven sitt behov, og kva sider ved eleven skal ein ta hensyn til?

Undervisningsiden: Korleis kan legge til rette undervisninga slik at ein ser enkelteleven, men samtidig ser undervisninga som heilheit?

Relasjonsmodellen: Innhold, mål, elev- og lærer forutsetninger, rammer, vurdering, metode

Kva er det som skal ligge til grunn for vurdering?

Opplæringslova-> Læreplan -> Foreskrift -> Vurdering

Undervegsvurderinga og sluttvurderinga, der nokre har elevsamtalar som eit viktig element.

Vi fekk ein del eksempel på korleis ein kan vurdere elevane. Det skal då takast hensyn til opplæringslova, læreplanen og kompetansemål. Det som ein ser på som eit viktig poeng er undervegsvurdering, og korleis ein skal klare å få gjennomført dette. I mange skular der dei har fått til dette, kjem læringsmåla klart fram på vekeplanar. Då står læringsmåla på alle planane i stort sett alle fag. Nokre av måla kan gå over fleire veker. Det er eit skjema på planen som elevane skal fylle ut sjølve, eller i samarbeid med foreldra. På denne måten skal elevane bli bevisste på kva som er meininga at eg skal lære i denne perioden, og om måla faktisk blir nådd. Ikkje minst så ser eg det som ein fordel at foreldra blir bevisste på kva som kanskje må jobbast meir med, og kva ungane er flinke til. Det som i mange tilfeller kan vere eit problem i skulen, er å få til elevsamtalar kvar veke. Då skal elevane i lag med læraren gå gjennom læringsmåla og prate om desse. Men mange skular har faktisk fått til dette også. Det er i skular der elevane sit å jobbar med plan, eller andre bestemte ting, og læraren kan gå rundt i klasserommet å få gjennomført samtalane.

Vi fekk ein gjennomgang på Bloom`s taksonomiske nivå på kompetansemål:

Hukommelse

Forståelse

Tillemping

Analyse

Syntese

Vurdering

Korleis sette opp læreplanar og læreplananalyser.

Elevvurdering i lys av kunnskapsløftet

Formålet med undervegsvurdering er å fremme læring

Måloppnåing digital kompetanse- Blooms taksonomiske nivå - digitalt kompetanse bruk av digitale verktøy inn i Blooms nivåinndeling. Det å vite kva tid ein skal bruke dei forskjellige verktøya.

Kva seier forskning?

Finne klare indisier på kva resultat forskning gir, er ikkje så lett. Lærer elevane noko meir ved å nytte IKT?

I Førde har Flatene skule, Halbrend skule og Elvebakken vidaregåande skule satsa på dette. Det har vore eit godt samarbeid skulane i mellom, og ein fin delingskultur. Dei har fått til dette og meiner at elevane lærer meir ved å nytte seg av IKT. Det har vore ein lang veg å gå, og skulane har jobba hardt for å få til dette.

Halbrend skule 5.-10. trinn i Førde, gjennomgang av vekeplanar, vurderingsskjema, måloppnåing.

Flatene skule, 1.-4. trinn i Førde, det er eit godt samarbeid mellom desse to skulane, der Halbrend bygg vidare på det som elevane har jobba med før.

Elvebakken vidaregåande skule, her har skuleleiinga satsa sterkt på å gjere IKT til ein naturleg del av skulekvardagen for elevar, lærarar og administrasjon. På denne skulen har dei fått til ein delingskultur, der målet er meirverdi i læringsarbeidet. Dei har til saman 23 nettverk som er kobla opp til same tid.

Vurdering av basisferdigheiter

Øvingsoppgåve

Vi skal i denne øvingsoppgåva skrive eit refleksjonsnotat rundt emnet betre vurderingspraksis. Etter forelesninga i dag blir ein ganske imponert over det arbeidet som Flatene og Halbrend skule har lagt ned. Og eg tenkjer at dette er ein prosess som vil ta tid, men som ein etter kvart vil sjå gode resultat av, om ein i fellesskap går inn for ei slik endring i skulen. Det er heilt sikkert interessant å jobbe med dette. Det eg synest er veldig flott er det samarbeidet som det er mellom desse to skulane. Det er ein kjempefordel for elevane som går frå den eine skulen og over i den neste, at dei slepp å sette seg inn i nye måtar å lese vekeplanar, og vurderingsskjema på. Og selfølgeleg er det ein fordel, og det legg vel også eit lite press på alle lærarane til å nytte seg av dette verktøyet. Dei har også fleire å rådføre seg med i arbeidet med vurderinga, som er ein annan fordel for både elevar og lærarar, for ikkje å gløyme foreldra opp i dette.

På min skule er det ikkje utarbeida nokon felles måte å vurdere elevane på. Her sit alle og jobbar med sine eigne måtar, og eg har inntrykk av at ingen vil vite om at det finnast andre og kanskje betre måtar å gjere det på også. Så på min skule er det absolutt rom for betre vurderingspraksis.

Øvingsoppgåve

Innleiing:

Den fem grunnleggande ferdigheitene i læreplanen skal integrerast i kvart enkelt fag.

Det er ikkje noko unntak med den digitale ferdigheita, noko som stiller etter kvart store

krav til læraren sin digitale kompetanse. Dette er ikkje noko norsklæraren eller

musikklæraren på skulen skal ta seg av, det er eit kollektivt ansvar blant lærarane - alle

elevar skal få digitale verkty integrert i arbeidsprosessen sin i alle fag.

Oppgåve:

Ein skal i denne øvingsoppgåva gå inn i Kompetanseløftet, og velge fag og trinn. Vi skal plukke ut eit kompetansemål i faget, der bruk av digitale verktøy inngår som ein del av kompetansekravet.

Vi skal bruke Bloom`s taksonomi for å bryte ned kompetansemåla i delmål, med vurderingskriteriuma over middels grad av måloppnåing, middels grad av måloppnåing og under middels grad av måloppnåing.

Gruppa vart einig om ¨ta for oss kompetansemål i norsk etter 7. trinn

Lage samansette tekstar med bilete, utsmykningar og varierte skrifttyper til ein større heilheit, manuelt og ved hjelp av digitale verktøy

Delmål i norsk

Lage samansette tekstar med bilete

I denne oppgåva i faget norsk, tenker vi at det skal vere eit individuelt arbeid. Elevane skal nytte digitale verktøy i dette arbeidet med tekst og bilete.

Lav måloppnåing -> hukommelse og forståing

Middels måloppnåing -> tillemping og analyse

Høg måloppnåing -> syntese og vurdering

Høg måloppnåing

Elevane vise til at dei kan finne bilete som først og fremst passar til teksta som elevane skal presentere. Dei må også vite at dette er bilete som dei har lov til å publisere i si eiga oppgåve. Krav til rettskriving og refleksjonar. Vurdering og drøfting.

Middels måloppnåing

For at elevane skal oppnå middels måloppnåing må dei vise at dei kan sette inn bilete som passar til teksta. Dei må kunne tilpasse bileta slik at størrelsen på bileta passar til teksta.

Lav måloppnåing

Elevane viser forståelse for korleis oppgåva skal gjennomførast. Gjennomføre ein presentasjon med bilete i tekstane. Og ellers løyse oppgåva på ein tilfredsstillande måte.

Ein ser ganske fort at dette er arbeid som må delast på fleire. For skal ein dele opp alle kompetansemåla i delmål, og deretter i måloppnåing, så kan det bli veldig mykje arbeid. Men er arbeidet først gjort, så ser ein heilt klart nytten av at alle i eit lærarkollegie nytta same måte å vurdere på.

Digital kompetanse i lokalt planarbeid

Øvingsoppgåve

Ein skal i denne øvingsoppgåva reflektere rundt kva rolle læraren eigentleg har, når det gjeld å integrere IKT i undervisninga. Ein skal også tenke gjennom kva reelle valgmoglegheiter læraren har i høve til skulen si oppgåve i samfunnet. Og også reflektere rundt kva rolle skuleleiinga har når det gjeld å integrere IKT i undervisninga, og korleis rollefordelinga bør vere i dette arbeidet.

Skal ein få den digitale biten på plass i skulen er det mange bitar i eit puslespel som skal leggast på plass. Dette er eit arbeid som krev langsiktige strategiar og planar på ulike nivå i organisasjonen.

Det er lærarane som må lede utviklinga av IKT i skulen, men satsinga på IKT i skulen slår ikkje gjennom slik som ein først trudde at det skulle gjere. Rundt om på skulane står det digitalt utstyr innelåst og ubrukt, og når det blir tatt i bruk er det innanfor tradisjonelle lærarstyrte rammer.

Det viser seg at det er vanskeleg for lærarane å sleppe lause elevane med kvar sin pc i klasserommet. Lærarane føler at dei mistar kontrollen på elevane, og ikkje har oversikt over kva dei gjer. Dei har vel også vanskeleg for å tru at elevane faktisk løyser oppgåver, eller leitar etter svar på oppgåver. Ein kan gjerne tenke at dette er læraren sitt problem, og det igjen blir overført til elevane. Dersom læraren har gitte oppgåver som elevane skal løyse, og elevane har blogger, eller arbeidsmapper som arbeidet skal dokumenterast i, blir det til sjuande og sist elevane sitt problem. Mi erfaring er at elevane gjerne vil gjere frå seg mest mogleg arbeid på skulen, og sleppe heimearbeid. Og at elevane faktisk gjer det dei skal om dei veit at dei slepp lekser.

Om ein skal tenke på kva valgmoglegheiter lærarane har, så har dei vel på mange måtar gjort sine valg i mange år. Ein kan vel sjå det i forhold til å integrere IKT i skulen, at lærarane vel bort dette om dei har moglegheit til å gjere det. Her må skuleleiinga inn, og ta kontrollen. Men eg vil også tru at det må inn planar for kva elevane skal lære, og når dei skal lære det. Det bør setjast opp spesifikke planar år for år, slik at eventuelle nye lærarar veit kva dei skal ta tak i, og kvar dei skal fortsette prosessen. Det er her skuleleiinga må inn. Og det er oppsiktsvekkjande når ein ser på undersøkjelsane til Phillipa Lee, at 70 % av omstillingsprosessen ligg på skuleleiinga. I den same undersøkelsen kjem Lee fram til at visjon, kunnskap, belønning, ressursar og handlingsplanar er viktige stikkord knytt til leiaroppgåver i ein organisasjon - skal ein lykkast er det viktig å få ei rett blanding av delane mot eit felles mål. Dessverre trur eg ikkje at skuleleiinga er klar over at so mykje av ansvaret ligg på dei, og ikkje på lærarane. I mange tilfeller trur eg at leiinga har kasta ballen over til lærarane, så lenge utstyret er på plass.

---------------------------------------------------------------------------

Digital kompetanse i lokalt planarbeid

Vilkår for endring 2

Øvingsoppgåve 2

I leksjonen for dette delemnet, oppfordra Kjell til at vi skulle lese rapporten "Digital Kompetanse hver dag". Vi skal i denne øvingsoppgåva ta utgangspunkt i samandraget og epilogen i denne rapporten. Vidare skulle vi lese "Program for digital kompetanse", skrive nokre refleksjonar rundt oppdraget, visjonen og resultatet. Reflektere rundt korleis det står til i dag i forhold til digital kompetanse i skulen.

Sentrale problemstillingar i programmet handla om korleis IKT påvirkar utdanninga sin kvalitet, motivasjon for læring, læringsformer og læringsutbytte. Programmet lukkast i å plassere digital kompetanse som eit nøkkelbegrep i utdanningspolitikken og i pedagogikken. Her har pfDK vore ein nyskapande drivar.

Programmet hadde fire satsingsområder:

• Infrastruktur og tjenester av høg kvalitet
  
  
• Kompetanseutvikling
  
  
• Digitale læringsressursar, læreplanar og arbeidsformer
  
  
• Forskning- og utvikling
  
  

Ved programmet si avslutning vart dei sentrale målsetjingane kort vurderte slik:

Infrastrukturen er snart på plass.

Kompetanseutvikling er fortsatt ei utfordring.

Digitale læringsressursar, læreplanar og arbeidsformer er eit arbeid der det gjenstår mykje.

1. Kartleggings- og indikatorstudiar, 2. Digitale læringsressursar, 3. Lærarutdanning og digital kompetanse, 4. Fremtidens læring og 5. Skule-leiinga og IKT

Desse to rapportane stemmer ganske godt overeins, i forhold til kva som er situasjonen i skulen i dag. Og dessverre så er det slik at dette har vore situasjonen i skulen ganske lenge. Og ikkje mykje har vore gjort med det. Alle som jobbar i skulen veit at digital kompetanse skal flettast inn i allle fag, men alle finn ei unnskyldning for å ikkje gjere noko med det. Anten det gjeld tilgong på datamaskiner, tilgong på digitale læringsressursar og ikkje minst internett. I begge desse rapportane kjem det fram at kompetansen til lærarane er mangelfull, og at dette må inn i lærarutdanninga. Samtidig må ein ha ei kompetanseheving blant dei lærarane som er i skulane allereie. Det vert i rapporten uderstreka at norsk lærarutdanning ikkje har tilstrekkeleg kunnskapsbasert digital praksis for å møte dei pedagogiske og faglege utfordringane som ligg i digital kompetanse. Det vil seie at læraren sine forutsetningar og kompetanse for å gjennomføre læreplanen sine krav, ikkje kan realiserast i forhold til Kunnskapsløftet.

Korleis skal ein så kome vidare? Staten gir skuleeigar ansvaret for infrastrukturen, og skuleeigar prioriterar ikkje dette nok framfor andre sektorar.

Eg tenkjer at ein er nøydd til å kreve litt meir av kommunane og skuleeigarane om dette skal bli betre. Det er trass alt deira sitt ansvar å sørge for å gi elevane den digitale kompetansen som går fram av Læreplanen. Og det er stort sett her det stoppar opp trur eg.

--------------------------------------------------------------------------------

"Digital skole hver dag"

"Program for digital kompetanse (2004-2008) Posthumt."

Vilkår for endring

Øvingsoppgåve 1 & Refleksjonar rundt dette ;)

LK06 gir retningslinjer for bruk av digitale verktøy i skulen. I denne samanheng skal vi i denne øvingsoppgåva sjå på forskjellige definisjonar av omgrepet digital kompetanse. Søby, Erstad, Krumsvik og Baltzersen har definert digital kompetanse, og vi skal i øvingsoppgåva sjå på desse. Er det skilnad i definisjonane deira, eller seier dei ein og same ting på ulike måtar?

Eg skal også kome med mi meining om kva omgrepet digital kompetanse må romme.

Læreplanen er eit juridisk bindane dokument, og innhaldet i læreplanen skal spegle innhaldet i skulen. Men vi kan vel trygt seie at dette ikkje integrert i skulen. Og ein kan då stille seg spørsmål om korleis elevane skal tileigne seg digital kunnskap.

Eg synes ikkje at eg kan samanlikne alle desse fire definisjonane under eitt. Men eg tenkjer at eg kan samanlikne Erstad sin definisjon opp i mot Karlsen og Wølner sin definisjon. På mange måtar så seier desse to definisjonane mykje det same. Men likevel så vil eg seie at Karlsen og Wølner sin definisjon utdjupar litt meir korleis du skal kunne nytte verktøyet i klasserommet. Eg føler iallfall sjølv at eg har lettare for å forstå denne definisjonen. Du skal utvikle ferdigheiter for å lære å lære seier eigentleg ganske mykje. Det skal flettast inn i alle fag, og du skal forstå korleis du skal hente informasjon slik at du lærer meir.

Krumsvik sin definisjon byggjer vidare på Erstad sin definisjon, og utdjupar denne på ein god måte. Steg for steg tek han for seg kva du må lære før du går vidare til neste trinn. Denne definisjonen seier også mykje om kva kompetanse lærarane bør sitte inne med, og kvar IKT kan gi meirverdi i undervisninga. Noko som er eit veldig viktig poeng.

Det kan sjå ut som at Baltzersen sin definisjon byggjer vidare igjen på Krumsvik sin definisjon. Dette var utgangspunktet hans, så har han funne nokre nye punkt som han utdjupar sin definisjon med. Eg synest det er heilt greit at dei har gjort det slik, for det vil vel eigentleg seie at dei er ganske einige om kva som er definisjonen på digital kompetanse. Men at dei på ein god måte har utfylt kvarandre. Eg meiner at definisjonen må innehalde det som på mange måtar kjem fram i desse definisjonane, men kanskje litt meir om kva kompetanse ein lærar må ha, for å kunne nytte dette på ein god måte i undervisninga.

----------------------------------------------------------------------------------

Leksjon Vilkår for endring 2: Kristin Bakke Sæterås

Mappeoppgåve 1

Då var Mappeoppgåve 1 levert:) Det har vore mykje arbeid med mappoppgåva desse to vekene etter at vi fekk den utdelt. Det var ganske mykje å lese gjennom i leksjonane, og ikkje minst må ein kunne klare å finne stoff i pensum som er aktuelt å underbygge artikkelen med. Gruppe 3 har hatt eit fellesdokument i GoogleDocs som vi har kommunisert gjennom, på denne måten slapp vi at alle skulle vere logga på til same tid. Det vart også i dette dokumentet avtalt nettmøter på Skype. Gruppa har hatt fleire møter på Skype desse to vekene. Siste møte var i ettermiddag. Møtet varte vel i ca 3 timar, då hadde vi fått lasta ned som PDF-fil og levert inn.

No har eg litt arbeid å ta igjen på øvingsoppgåvene. Men i dag er det nok:) I morgon blir det vel ei ny mappeoppgåve...

Digital kompetanse i skulen - for framtidsretta læring

Siv-Mette Møller

Regjeringa har som eit mål at det norske utdanningssystemet skal vere blant dei fremste i verda når det gjeld utvikling og pedagogisk utnyttelse av IT i undervisning og læring. Undersøkelsar som ITU Monitor 2007 har gjennomført, viser at skulen ikkje klarer å integrere IKT i undervisninga. Lærarane har ikkje den kompetansen som skal til for å nyttiggjere seg digitale verktøy for å betre elevane si læring. Det er oppsiktsvekkande at så mange som 9 av 10 elevar på sjuande trinn nyttar IKT-verktøy færre enn fire timar i veka.

I kunnskapsløftet kan vi lese at grunnleggjande ferdigheiter er integrert i kompetansemåla der dei bidreg til utvikling av og er ein del av fagkompetansen. Å kunne bruke digitale verktøy, er ein av dei fem grunnleggjande ferdigheitene. Det vil seie at ein skal nytte seg av digitale verktøy i alle fag, på lik linje med lese, skrive, matematikk-opplæringa og muntlege ferdigheiter. Undersøkelsane som ITU Monitor har gjennomført viser at det ikkje er nok å utstyre elevane med kvar si maskin. Ein er også nøydd til å planleggje kompetanseheving hjå lærarane, tilstrekkeleg infrastruktur og tydelege læringsmål. Om ikkje dette er på plass først, vil det i staden for bedre læring føre til støy og uro. Det viser seg også at ein motivert og kompetent lærar som har støtte frå skuleleiinga, har betre forutsetningar for å ta i bruk digitale verktøy systematisk i undervisninga. (ITU Monitor, 2009)

Kompetanseheving innanfor IKT er noko av det som blir mest etterspurt blant lærarar. Dessverre er det slik at skuleeigarar og politiske styresmakter ikkje viser nok vilje til å løyve midlar slik at lærarar får etterutdanning innanfor dette feltet. Det er viktig å få heva kompetansen til lærarane innanfor IKT om ein skal få eit godt pedagogisk innhald i undervisninga.

Kompetansutvikling

Digital kompetanse er komt for å bli, og er ikkje ein trend som lærarane kan håpe vil forsvinne om ei stund. Det blir derfor viktig å få på plass den nødvendige kompetansen, slik at lærarane kan sjå tydlegare korleis dei skal bruke IKT for å styrke læringsarbeidet i skulen. Lærarane må også få ei klar formeining om når og til kva teknologien kan brukast. (Erstad, 2008)
Lærarutdanninga burde sørge for å gi lærarane nødvendig teknisk kompetanse for å kunne ivareta dei digitale utfordringane dei står overfor.
Eit digitalt kompetanseløft hjå lærarane ville styrka ulike læringsmiljø i skulen for å skape nye og betre betingelsar i opplæringa av elevane.

Den norske skulen har store variasjonar i teknologisk plattform og digital kompetanse, både når det gjeld nivå, tettheit og løysingar.

Det er viktig å understreke at skuleeigarar og skuleleiinga ikkje kan oppfatte at deira del av jobben er fullført når innkjøp og installasjon er på plass. Det viser seg i undersøkelsen ITU Monitor (2009) har gjort at skuleleiar sine holdningar og prioriteringar spelar ei vesentleg rolle for å sikre god ressursbruk/-fordelingar. Det er derfor viktig at leiarane set seg inn i korleis dei kan bidra til å heve den digitale kompetansen i deira skular.

Skolens ledere skal aktivt forstå hvordan en bruker IKT for å oppnå skolens mål. Skolens ledere skal aktivt følge opp lærernes bruk av IKT. Skolens ledere skal være pådrivere i bruk av IKT i skolen og stimulere til nytenkning og kreativitet blant lærere og elever. Skolens ledere skal legge forholdene til rette for kompetanseutvikling innen IKT for lærerne. Skolen skal fokusere på den pedagogiske anvendelse av IKT. (Manglar kilde)

Dette er noko skuleleiarane må ha fokus på om ein skal få til eit godt tilrettelagt pedagogisk opplegg innan digitale verktøy i skulen.

Digital Læringsplattform

Ein måte å velge ut ressursar til pedagogisk arbeid med IKT for lærarar, er å oppfordre til eller innføre obligatorisk bruk av ein digital læringsplattform (LMS).
Det viser seg at i dei skulane som aktivt og bevisst nyttar dette i undervisninga, har elevane ein høgare kompetanse innan IKT, og elevane gjer det bedre på prøver innan digitale verktøy. Ein trur at grunnen til at dette ikkje vert nytta i så stor grad, er at det er mykje å sette seg inn i. Samtidig trur ein det er ein risiko ved å innføre dette, då ein ikkje er sikker på at alle elevane har tilgong på data i heimen. Då vil lærarane måtte gjere arbeidet med LMS i tillegg til å gjere det på "gamlemåten". Så sikrar iallfall læraren at alle har fått vekeplanar og oppgåver som skal gjennomførast. Kanskje hadde ei mulegheit vore at dei elevane som ikkje har tilgong til data, skrivar eller nettverk heime, kunne få hente ut nødvendig informasjon på skulen. På denne måten ville elevane på lik linje fått tileigna seg digital kompetanse.

Det viser seg at fleire og fleire lærarar nyttar data i førebuinga til undervisninga, men det ser ut til at lærarane ikkje tek dette med seg vidare inn i klasserommet. Gjennom undersøkingar som ITU Monitor (2007) har gjennomført, viser det seg at lærarane ikkje føler seg kompetente og ikkje har nok kunnskap i dette til å nytte det. Samtidig manglar det spesifikke planar for kva elevane skal lære når. Dersom det hadde vore spesifikke framdriftsplanar for dette faget, slik som det er i andre fag, ville det vore lettare for lærarane å vite kva elevane skal kunne år for år i grunnskulen.

Ein kan godt stille spørsmål om kvifor lærarane ikkje er motiverte for å nytte dette i klasserommet. Det viser seg då at lærarane treng moglegheiter og ressursar slik at dei kan lære korleis ny teknologi kan anvendes og utnyttast i læringsaktivitetar på skulen. (Cuban, 2001)
Ein annan ting er at grunnforståelsen hjå lærarane av digitale ferdigheiter er så vagt formulert i både nasjonale og lokale læreplanar, slik at ein samlande kvantitativ evaluering av måloppnåelse er vanskeleg å gjennomføre. (Krumsvik, 2008; Erstad & Quale, 2009)
Dagens lærarar treng påfyll av kompetanse slik at dei kan beherske bruk av IKT til eksisterande og nye læringsaktivitetar i skulen.

Oppsummering

For at skule og lærarar skal vere i stand til å nytte læremidlar som eit didaktisk redskap i undervisninga, vil det måtte stillast krav til at det er utvikla digitale læremidlar av høg kvalitet, både teknisk og pedagogisk, som fyller dei krav som læreplanen stiller. Det er også viktig å styrke IKT i lærarutdanninga, og ein treng kompetanseheving som er retta mot lærarane i skulen.
På udir.no sine nettsider kan ein lese at ein tilbyr gratis vidareutdanning til lærarar for kompetanseheving. Her kan ein velje mellom forskjellige studier, 30 stp. Men ein kan faktisk ikkje finne IKT på denne lista. Dette er ei grunnleggjande ferdigheit som skal utviklast på lik linje med lese, skrive, matematikk, muntlege ferdigheiter.

Ein kan då stille seg spørsmål om kvar den digitale kompetansen skal kome frå, når ikkje dette er eit tilbod frå udir. Dette blir rett og slett ikkje teke på alvor frå utdanningsdirektoratet eingong.
Utifrå dei undersøkjelsane som ITU Monitor (2009) har gjennomført kan ein også sjå at i dei skulane som har ansatt ein person som er IKT-driftsansvarleg i full stilling, er det ein klar samanheng mellom lærarane sin bruk av IKT. Dette er positivt for lærarane då dei slepp å oppleve at dei må innstallere program, og at alt er klart til å nytte det i klasserommet. Det sparar lærarane for mykje unødig frustrasjon.

________________________________________________________________

Litteraturliste

Erstad, Ola (2008): Digital kompetanse i skolen - en innføring. Oslo: Universitetsforlaget

http://webster.hibo.no/alu/it1/nancy/Digital%20kompetanse/ikt_laeremiddel_verktoy.htm

UFD (2006) De fastsatte læreplaner for Kunnskapsløftet - grep, Utdannings- og forskningsdepartementet, Oslo [Internett] Tilgjengeleg frå: http://www.udir.no/grep/Grunnleggende-ferdigheter/

UFD (2006) De fastsatte læreplaner for Kunnskapsløftet - grep, Utdannings- og forskningsdepartementet, Oslo [Internett] Tilgjengeleg frå:

http://www.udir.no/Artikler/_Skoleutvikling/_Kompetanseutvikling/Gratis-videreutdanning-for-larere/

Mappeoppgåve 1

Mandag starta eg dagen med å løyse øvingsoppgåve som vart lagt ut i leksjonen. Eg valgte å løyse øvingsoppgåve 1 no, så får eg sjå når eg er ferdig med M1 om er tar øvingsoppgåve 2. Føler egentlig at det var ganske nyttig å løyse denne oppgåva i forarbeidet med M1. Fekk satt meg litt meir inn i det som er pensum, og leksjonane (igjen).

Tirsdag og onsdag har eg brukt dagane til å prøve å sette meg inn i dette med kompetansehjulet, og kva eg skal skrive artikkel om i M1. Eg har i grunnen landa på å skrive om kompetanseutvikling. Var å leita opp ei bok som var pensum frå i fjor, Ola Erstad; "Digital Kompetanse i skolen". Såg at Erstad vart referert i ein del av leksjonane, og ellers i det materialet som eg har funne om digital kompetanse, og kompetansehjulet.

Are oppretta eit dokument i GoogleDocs som han har delt med resten av gruppa. Dette har vi brukt til å skrive ein del kommentarar i. I dag føreslo Are at vi skulle opprette oss eit forum i Google, der vi kanskje kan "diskutere" i dette i staden. Han ville undersøke nærare og kome tilbake til dette. I morgon skal vi ha eit møte heile gruppa, får sjå om dette blir på Skype eller om det blir i eit forum.

Øvingsoppgåve 1

Mediedidaktikk

” […] udgangspunktet for de fleste voksne håndtering af medier – uanset profession – [er]

deres egne medieerfaringer, hvilket ofte skaber ben med hensigtsmæssige og holdbare

løsninger” (Drotner 2003:10). Spørsmålet blir dermed kva slags kompetanseomgrep som

kjem til uttrykk i læreplanen.

Øvingsoppgåve 1:

Har de tenkt over dette i dykkar fag? Sjekk kva slags fokus

læreplanen i dine fag har på digital kompetanse – er det eit

kritisk eller kreativt fokus?

I mitt svar på denne oppgåva har eg valgt å konsentrere meg om læreplanen i norsk tegnspråk, og kva som står i læreplanen om å nytte seg av digitale verktøy. Mange timar i løpet av ein skuledag har eg ein til ein timar med ein døv elev på femte trinnet. Ellers der elev er inne i klassen i timane, blir det også gjennom meg at kommunikasjonen med andre elevar og lærarar skjer. Dette kan til tider bli veldig tungt, men det gjer også til at ein er nøydd til å finne forskjellige måtar å kommunisere på. Og ikkje minst ting som ein kan kommunisere om.

I læreplanen for norsk tegnspråk kan ein lese dette om å kunne bruke digitale verktøy:

Å kunne bruke digitale verktøy i norsk tegnspråk innebærer å kunne bevare og formidle et tegnet budskap til ulike grupper. Digitale verktøy kan brukes i bearbeiding og videreutvikling av språket i egne og andres tekster. Det innebærer nye muligheter i tegnspråkopplæringen, i produksjon, komponering og redigering av tegnspråktekster. Bruk av digitale verktøy innebærer å kunne benytte nye lærings- og kommunikasjonsarenaer over store avstander.

Eg vil seie at når det gjeld bruk av digitale verktøy i norsk tegnspråk, så er læreplanen kreativ. Det finnest mange nettsider med norsk tegnspråk, som kan nyttast på mange forskjellige måtar. Og det kan sjå ut som dei som har skrive kompetansemåla i dette "faget" er klar over akkurat det.

For ein døv elev er det ikkje så mange ein kan kommunisere med i det daglege, då det er sjeldant mange døve elevar i same skule. Då må ein vere kreativ i undervisninga slik at elevane får moglegheitene til å lære seg å avlese fleire forskjellige personar.

----------------------------------------------------------------------------------

UFD (2006) De fastsatte læreplaner for Kunnskapsløftet - grep, Utdannings- og forskningsdepartementet, Oslo [Internett] Tilgjengeleg frå:

http://www.udir.no/grep/Lareplan/?laereplanid=995082&visning=4

Øvingsoppgåve

"Er læraren flaskehalsen?"

Er læraren flaskehalsen i forhold til at elevane skal få den digitale kompetansen læreplanen og andre styringsmakter krev?

Grunnleggjande ferdigheiter er integrert i kompetansemåla der dei bidreg til utvikling av, og er ein del av fagkompetansen. Under finn du kva læreplanane seier om dei grunnleggjande ferdigheitene.

Å kunne uttrykke seg muntlig

Å kunne uttrykke seg skriftlig

Å kunne lese

Å kunne regne

Å kunne bruke digitale verktøy

Dette vil seie at elevane skal nytte seg av digitale media i skulen på lik linje med lese- skrive- og matematikkopplæringa, samt å uttrykkje seg muntleg.

I artikkelen i Aftenposten kan vi lese IT-parken til den norske skulen er blant den beste i verda. Det vart lagt til rette for at skulane skal nytte seg av data i alle fag kvar veke i skulen. Men til tross for dette ser ein at bruken av data i skulen har gått ned. Og det er verst i grunnskulen. I den vidaregåande skulen har elevane eigne pc'ar, og desse vert også nytta meir i den vidaregåande skulen. Problemet er at elevane manglar grunnleggjande ferdigheiter i data når dei kjem inn i den vidaregåande skule. Og dette er oppsiktsvekkande.

Eit problem kan vere at det frå høgste hold er bestemt at det skal vere slik, men ingen har gjort noko for å auke kompetansen til lærarane i grunnskulen.

Lærarane har ikkje nok kompetanse til å kunne nytte seg av dette i klasserommet. Usikkerheita om ting virkar slik som det skal, og om alle program ligg på alle maskiner når ein skal nytte seg av det, gjer at lærarane brukar unødig mykje tid på å leggje til rette for dette. Ein annan ting er at dei som er dataansvarlege i skulane, oftast er i full jobb som lærar i tillegg, og ikkje er tilgjengeleg når ein treng hjelp.

I Søby sin forskningsrapport kan ein lese at ein som lærar skal strebe etter å gi elevane fortrulege og gode søkjevanar i bruken av IT i skulen. Men kva då med lærarane som har sine innarbeidde rutinar i alle fag? Kven skal hjelpe lærarane til å bli fortrulege med dette, om ein ikkje vil gi lærarane kurs eller meir skule? I det minste kunne ein kanskje tenke seg at det hadde vore lurt å ansette ein lærar som hadde ansvar for dataundervisninga i samarbeid med klassestyrar? På denne måten ville ein lærar ha hovudansvar for at ting fungerar når det skal, samtidig som denne læraren hadde moglegheit til å gradvis byggje opp kompetansen både blant elevane og lærarane. Og denne "datalæraren" ville då neste år kunne byggje vidare på det som elevane tidlegare har lært, og undervisninga ville bli meir målretta. Eg tenker at om ein iallfall kan gjere dette dei to siste åra på barnetrinnet, så har elevane eit felles grunnlag når dei kjem inn i ungdomskulen.

Læraren er vel på mange måtar flaskehalsen i forhold til at elevane skal få den digitale kompetansen læreplanen og styringsmaktene krev. Men eg tenker at dei er ikkje flaskehalsen aleine. Skuleleiinga og kommunene er vel i stor grad også det, som ikkje legg til rette for å gi lærarane tryggheita og kompetansen som dei krev at lærarane skal ha. Eg meinar at ein må byggje opp denne kompetansen blant lærarane, og at IKT no må bli ein obligatorisk del i lærarutdanninga.

Definisjon av digital kompetanse:

Digital kompetanse er ferdigheter,

kunnskaper, kreativitet og holdninger som

alle trenger for å kunne bruke digitale

medier for læring og mestring i

kunnskapssamfunnet. (Søby,2005)

--------------------------------------------------------------------------------

Søby, M (2005): Digital skole hver dag - om helhetlig utvikling av digital kompetanse i grunnopplæringen. ITU, Universitetet i Oslo [Internett] Tilgjengelig fra: http://www.udir.no/upload/Rapporter/ITU_rapport.pdf

UFD (2006) De fastsatte læreplaner for Kunnskapsløftet - grep, Utdannings- og forskningsdepartementet, Oslo [Internett] Tilgjengeleg frå: http://www.utdanningsdirektoratet.no/grep/Grunnleggende-ferdigheter/

Samling 1. og 2. oktober

No har vi vore på første samling i Volda.

Torsdag var det Kjell som hadde første forelesning. Tema var Digital kompetanse. Han presenterte eit program for oss som heiter Qik. Vi vart delt i grupper og skulle sjå moglegheitene ved bruk av dette i skulen gjennom eit pedagogisk opplegg. Kva scenarier kan vi sjå for oss når elevane har tilgong til produksjonsutstyr, infrastruktur og program for produksjon av video/bileter.

Moglegheiter:

Gruppa vår kom fram til at det var store moglegheiter for samarbeid med andre, gjerne då med tanke på andre skular, i andre land. Kan gjerne knytte dette opp mot faget engelsk, eller andre framandspråk.

Dei kan dokumentere arbeid. Gjennom gruppearbeid kan ein ofte ha behov for å dokumentere arbeidet ein gjer, og at ein faktisk har gjort det ein skal når ein skal gjere det.

Det gir elevane moglegheiter til å dele tekst (utan papir), dele informasjon, og samhandling.

Moglegheiter for kommunikajson med lærar. Dette kan vere ein stor fordel for dei "usynlege" elevane.

Utfordringar:

Elevane kan filme undervisninga og legge dette ut på nett.

Elevane tek ikkje alltid hensyn til at andre ikkje vil ut på nett, eller kan pga religion o.a.

Elevane tek ikkje alltid hensyn til åndsverklova, personvernlova og andre ting ved publisering. Kven sitt ansvar er det viss dette blir gjort i skulen? Var eit spørsmål som vart stilt.

Han kom også litt inn på kompetansehjulet, men dette skulle vi kome nærare innpå på forelesninga fredag.

Fredag starta Synnøve Hedemann Amdam forelesninga "Innføring i media literacy mediakompetanse og mediedidaktikk".

Tema var i stor grad kompetansehjulet, og ho tok for seg den ytterste delen av hjulet.

Kristin Bakke Sæterås tok over etter lunsj, og ho hadde fokus på den innerste delen av kompetansehjulet.

Faktorar for digital kompetanse i opplæringa med fokus på den 5.

Læraren er flaskehalsen: elevane lærer mindre og vi risikerer at ein stor andel av elevane står utan basisfedigheiter når dei kjem til vidaregåande skule. Desse elevane vil få ein unødig tøff overgang til vidaregåande, for der skal dei bruke datamaskina i oppgåveløysinga.

Skjer dette fordi læraren ikkje har fagleg kompetanse, eller er alderen på lærarstaben so høg at det er like før dei skal gå av med pensjon? Og derfor ikkje har ressursar nok til å tileigne seg den digitale kompetansen dei treng for å kunne undervise i dette i skulen? Dette skulle vi kome tilbake til, men det trur eg ikkje vi gjorde.

Eit spørsmål som dukka opp var om det var skilnad på eleven og læraren sin kompetanse?

Ein kan tenke seg læraren som er genuint interessert, som vil bruke dette i alle fag, og som klarer å overføre dette til klasserommet.

Så kan ein tenke seg læraren som ikkje har kunnskap nok til å klare å ta dette verktøyet med inn i klasserommet.

Så kan ein tenke seg ein annan arbeidsplass der data er i bruk. Kan ein velge der å ikkje bruke dette verktøyet?

Spørsmålet er då om ein i skulen kan velge å ikkje bruke dette verktøyet? Kva gjer ein så fall med elevane?

Digital kompetanse er ferdigheter, kunnskaper og holdninger ved bruk av digitale medier som verktøy i læreprosessen, for mestring og for lære å lære ( Karlsen og Wølner, 2006:20)